Незалежны Рэспубліканскі Саюз Моладзі › Навіны › Крамбамбуля дала канцэрт у калоніі Крамбамбуля дала канцэрт у калонііПраект Лявона Вольскага “Крамбамбуля” даў канцэрт у Шклоўскай калоніі ўзмоцненага рэжыму. Дагэтуль прапанову даць канцэрт у калоніі за сваю 25-гадовую кар’еру Лявон Вольскі атрымліваў толькі аднойчы – некалькі год таму разам з шэрагам іншых музыкаў ён ездзіў па віцебскіх калоніях і граў для непоўнагадовых вязняў. - Мелі гадзіну канцэрту ў клубе. Прывезлі найлепшы апарат, які змаглі, каб даць так даць. Трэба сказаць , што акустыка там была вельмі добрая. Аўдыторыя вельмі шчыра ўспрымала, шмат хто ведаў нашы песні. Пры канцы выступу адзін стары зняволены сказаў: “Свабоды мала нам даюць, а так адарваліся бы па поўнай”:) На канцэрце ў Шклоўскай калоніі “Крамбамбуля” крыху падкарэктавала свой рэпертуар. У прыватнасці не прагучаў адзін з хітоў каманды пад назвай “Хочаш піва”. Каб не дражніць ды не правакаваць зняволеных музыкі вырашылі не выконваць песні “алкагольнай” скіраванасці. Сяргей Будкін, Радыё Рацыя, Мінск. |
© 2005–2009 НРсМ. Рухавік, падтрымка: Slaver. Дызайн Rohač. |