13 кастрычніка, Уроцлаў.

Усе апошнія навіны, абмяркаваньні канцэртаў гурту N.R.M. і іх будучыні.

Moderators: Мікалай, Alonka

Post Reply
Стась
Сябар
Posts: 8
Joined: 11.10.2006 - 16:57

13 кастрычніка, Уроцлаў.

Post by Стась »

Усім здарова! Як там жывецца? Зь нецярплівасьцю чакаем НРМ ва Ўроцлаве. Прыяжджайце, будзе супэр. Калі памятаеце, год назад мы з вамі ўжо крыху кантактавалі. Дык калі цяпер трэба якаясь там падтрымка, ці паказаць наша файнае мястэчка:) з экскурсіяй па гістарычных месцах, ці там спатканьне/канцэрцік у 'Эмпіку' арганізаваць, ці выступ-імправізацыю на цэнтральнай плошчы у парадку карыснага правядзеньня вольнага часу, або можа прамову перакласьці на польскую - дык калі-ласачкі, заўжды гатовы дапамагчы. Увогуле дык няблага было б з хлопцамі скантактавацца.
User avatar
Alonka
Першы сакратар па сувязях з грамадскасьцю
Posts: 1341
Joined: 16.09.2005 - 15:37
Location: Менск
Contact:

Post by Alonka »

Стась, ведаеце, колькі жадаючых у кожным горадзе правесьці гурт па гістарычных мейсцах, спатканьне арганізаваць й г.д.? :) Памятайце - гурт працуе. Да таго ж, нешта мне падказвае, што Ўроцлаў хлопцы ведаюць добра ;)
And I'm sorry for just being me...
Стась
Сябар
Posts: 8
Joined: 11.10.2006 - 16:57

Post by Стась »

Зразумела, гурт працуе. Таму й кажу, каб, напрыклад, арганізаваць спатканьне-канцэрцік у 'Эмпіку', скажам, у суботу. А калі-некалі трэба й адпачываць. Ня ведаю, колькі дзе жадаючых, а вось ва Ўроцлаве жадаючы, NB, я; да таго ж, ніколечкі ня сумняваючыся, што хлопцам горад знаёмы, усё ж адзначу, што некаторым ён ужо паціху родным робіцца, а проста так самім блытацца па вулачках сэнсу незашмат [а як што, то мо' б я й гіда пашукаў, бо сам з адным сябрую]. Як бы там ні было, хацелася проста як мага больш пасудзейнічаць уладкаваньню й насычэньню візыту(-це?), таму й зьвяртаюся за кантактам. Справа Ваша. Бо я сваю - прапанаваць - зрабіў.
User avatar
Alonka
Першы сакратар па сувязях з грамадскасьцю
Posts: 1341
Joined: 16.09.2005 - 15:37
Location: Менск
Contact:

Post by Alonka »

Стась, і шчыра дзякуем за прапанову :) Проста канцэртныя графікі звычайна вельмі насычаныя, і здараецца, часу не хапае нават каб адаспацца, я ўжо не кажу пра знаёмства з горадам. Мы вельмі позна прыедзем, а ў суботу раніцай ужо будзем ад'яжджаць дамоў.
And I'm sorry for just being me...
Стась
Сябар
Posts: 8
Joined: 11.10.2006 - 16:57

Post by Стась »

ОК, дзякуй. Шкада, канешне, што часу ня будзе, бо ідэі ёсьць. Можа, калі яшчэ... Ва ўсякім разе сустрэнемся на канцэрце. Уданага падарожжа.
Усё роўна наша ёсьць праўда,
Бо іначай жыць проста ня варта!
User avatar
macie3k
Скарпіён
Posts: 318
Joined: 21.09.2005 - 14:32
Location: Польшча
Contact:

Post by macie3k »

Файна было, шкада, што так коратка!
А цяпер дабранач :)
User avatar
Alonka
Першы сакратар па сувязях з грамадскасьцю
Posts: 1341
Joined: 16.09.2005 - 15:37
Location: Менск
Contact:

Post by Alonka »

Ад імя IQ48 i N.R.M. (і свайго, канечне) дзякую ўсім уроцлаўцам! Канцэрт атрымаўся звыш файным :) Шкада, што не давялося ўбачыць усю прыгажосьць горада, але спадзяемся, што гэта не апошні наш візіт. Яшчэ раз дзякую. Убачымся.
And I'm sorry for just being me...
User avatar
Дзед_Мiнай!
Сябар
Posts: 210
Joined: 7.10.2006 - 12:40
Location: Менск

Post by Дзед_Мiнай! »

Alonka, ці будзе справаздача? Народ хоча ведаць! :wink:
Image
User avatar
Alonka
Першы сакратар па сувязях з грамадскасьцю
Posts: 1341
Joined: 16.09.2005 - 15:37
Location: Менск
Contact:

Post by Alonka »

Сьціплая справаздача: http://shalona.livejournal.com/22577.html
And I'm sorry for just being me...
Стась
Сябар
Posts: 8
Joined: 11.10.2006 - 16:57

Post by Стась »

Вялікі ўсім дзякуй за афігенна-клясны канцэрт! Далі ж вы чаду!
Гук быў, здаецца, лепшы, чым год назад (паказальнікам чаго можна лічыць адсутнасьць нараканьняў з боку Піта :-/, якія астатнім разам заставілі непрыемны ападак), а атмасфэра ў Лыкэндзе заўжды файная, гэта вядома. Шчыра кажучы, спадзяваўся ў гэты раз пачуць любімыя песьні, ня выкананыя ў прошлы раз - "Бамжы", "Дзед Мароз", "Мы жывем ня кепска", але яны, відаць, выкінутыя на сьметнікі гісторыі... :?: :? Але й так супэр, бо канцэрт быў даволі доўгі, і ўдзячныя слухачы (то бок мы) былі азнаёмленыя з шэрагам новых (і адносна новых) твораў, зь якіх найбольш мне спадабалася "Менск/Мінск", хоць Заміроўская й сьцьвярджае, што гэта нібы плагіят. Так ці йнакш, песьня вельмі сымбалічная, бо апрача Мінску/Менску ў нас яшчэ і Гродна/Горадня, і Брэст/Берасьце, і Полацк/Полацак, і Навагрудак/Наваградак, ды ў рэшце рэшт і Беларусь/Літва.
А вось у "Кітаі" Алезісу відавочна чагось бракавала - мо' б яму гітару ў дэкаратыўных мэтах прымацаваць, ці што?:) У "Гадзючніку" (усе разы й вэрсіі, што я чуў) даволі кепска чуць вакал, відавочна таму, што пад адну-адзіную песьню наладкі ўсяе гукавое сыстэмы не зьмяняюцца, і галасы Юрася ды Алезіса папросту тонуць ў агульным струмені гуку, таму спадзяюся, што награны ў студыі "Гадзючнік" будзе лепшы.
Дзякуй, канешне, і IQ-48.
Асабіста я атрымаў такую дозу пазытыўнае энэргіі, што пасьля канцэрту матляўся нібы п'яны, напэўна гэта заўважылі й хлопцы:) Вельмі прыемна было пазнаёміцца з Алёнкай, дарэчы, дзякуй усім за магчымасьць сфатаграфавацца. Сабраць усіх разам было досыць цяжка: кожны па-свойму адыходзіць пасьля канцэрту, Піт, напрыклад, звычайна пачынае фліртаваць зь нейкімі дзяўчатамі;-) (а жадаючыя, ясна справа, заўсёды знаходзяцца), таму дасьведчаныя фаны ўжо ведаюць, што за пабаляканьнямі "за жыцьцё" лепей зьвяртацца да сьціплякоў Алезіса ці Юрася.) (Тым больш той жа Піт, здараецца, наведваецца з сайд-праэктамі, а вось ўбачыць Юрася атрымоўваецца толькі з НРМ.) Гэтым разам на пасядзелках удалося нават халяўнага піва глытнуць!:) - карацей кажучы, я злоўжываў добразычлівасьцю музыкаў і суправаджаючых як мог, можа й паднадакучыў трохі. Але шчыра спадзяюся, што гэта мне будзе прабачана, усё ж занадта я быў спрагнёны і задоўга адарваны ад мілага сэрцу Менску, гэтай няскоранай і неўміручай мары, надзеі, Мроі, увасобленай НРМам.
Усім яшчэ раз дзякуй і трымайма абяцанку рэгулярна сустракацца ў вядомым мейсцы ў азначаны час, то бок у нас, у Лыкэндзе. :!:
__________________
Усё роўна наша ёсьць праўда,
Бо іначай жыць проста ня варта!
Post Reply