Сёння, у абстаноўцы амаль поўнай сакрэтнасці, павінна абдыцца пазачарговае пасяджэнне Рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры Рэспублікі Беларусь.
Чаму так тэрмінова? Чаму амаль сакрэтна? Таму што Менгарвыканкамам падрыхтавана чарговае злачынства супраць беларускай гісторыка-культурнай спадчыны. Не ўдалося зруйнаваць Музей вайны для пабудовы высотнага гатэлю, так трэба зруйнаваць іншы помнік, але высотны гатэль на праспекце Незалежнасці паставіць. Мабыць добры "аткат" паймалі. І дзеля рэалізацыі злачынных планаў на разгляд навукова-метадычнай рады будзе вынесена пытанне пра пазбаўленне статуса гісторыка-культурнай каштоўнасці унікальнага помніка прамысловай архітэктуры - будынка першай мінскай электрастанцыі, што стаіць у парку Горкага побач з цыркам. Каб гатэль-высотка на гэтым месцы вырасла.
Дакладна так хацелі зрабіць з будынкам музея вайны у канцы 2008 г. У той час навукова-метадычная рада (нездарма яе ў народзе завуць "навукова-метадычнай здрадай") хацела пазбавіць яго стасуса гісторыка-культурнай каштоўнасці ва ўгоду карумпаваным чыноўнікам Менгарвыканкаму, але, на шчасце, - не атрымалася. Таму нягледзячы на запэўніванні старшыні рады, намесніка міністра культуры У. Грыдзюшкі пра немагчымасць станоўчага рашэння па прапанове выканкаму наконт выключэння электрастанцыі са спісу помнікаў - поўнай веры радзе няма, як да органу, які скампраметаваў сябе шматлікімі рашэннямі, што не абаранялі нашую спадчыну, а дазвалялі яе руйнаваць.
Чарговы помнік у небяспецы. Таму заклікаю ўсіх сумленных грамадзян нашай краіны, заклікаю праваахоўныя органы, заклікаю сумленных журналістаў, дзяржаўных служачых - усіх каму баліць за лёс Беларусі, каму дарагі імідж нашай дзяржавы і нашых органаў улады сярод беларускага народу і за межамі Бацькаўшчыны, хто на справе, а не на словах дбае пра дабрабыт у краіне і пра яе духоўнае адраджэнне, устаць на абарону будынку былой электрастанцыі, бо калі на яе прыкладзе будзе пакладзены пачатак знішчэння помнікаў праз юрыдычную і метадычную падтрымку навукова-метадычнай рады - працэс знішчэння гісторыка-культурнай спадчыны ва ўгоду шкурным інтарэсам вузкаму колу недобрасумленных чыноўнікаў стане незваротным.
Хачу нагадаць упаўнаважаным супрацоўнікам Міністэрства культуры ў галіне аховы гісторыка-культурнай спадчыны і членам навукова-метадычнай рады пра іх персанальную юрыдычную і маральную адказнасць за неправамерныя рашэнні. Раней ці пазней будзе суд - людскі ці Боскі.
Веру ў Праўду, веру ў Закон, веру ў Здаровы сэнс!
Антон Астаповіч
Чарговы замах на помнік
- Ultrabelarus
- Сябар
- Posts: 280
- Joined: 24.07.2006 - 16:01
- Location: г.Менск
http://nn.by/index.php?c=ar&i=29533Ultrabelarus wrote:усё гэта канешне кранальна, але такі тэкст адолеюць не ўсе. Дзе фота помніка архітэктуры? Дзе інфа пра тое, калі ён быў пабудаваны, чаму ўяўляе сабой гістарычную каштоўнасць?
- krapachino
- Сябар
- Posts: 116
- Joined: 22.11.2005 - 22:58
- Location: Менск