Незалежны Рэспубліканскі Саюз Моладзі › Навіны › Піт Паўлаў ня ў курсе, што яго запрасілі на «Муз ТВ» Піт Паўлаў ня ў курсе, што яго запрасілі на «Муз ТВ»Беларускі музыка, гітарыст гурта N.R.M. Піт Паўлаў бачыць мала сэнсу ад трансляцыі кліпаў альтэрнатыўных выканаўцаў у эфіры музычных каналаў. Так ён пракамэнтваў Рацыі адкрыццё на тэлеканале «БелМузТВ» адмысловай праграмы пра беларускую альтэрнатыўную музыку. Не ведаю, адкуль у вас інфармацыя, але я пра гэта нічога не чуў. Піт Паўлаў кажа, што свае кліпы на «БелМузТВ» ён даваць не адмаўляецца. Музыка нават зацікаўлены ў тым, каб яго творы прысутнічалі ў эфіры. Аднак эфэктыўнасьць ад гэтага, па словах Паўлава, будзе мінімальнай. Нават калі я два разы пакажу па тэлебачанні свой кліп, то гэта будзе пазначаць, што я два разы паказаў па тэлебачанні свой кліп. Піт Паўлаў кажа, што кіраўніцтва музычных каналаў Беларусі не надта зацікаўленая ў супрацы з беларускімі альтэрнатыўнымі музыкамі. Іх кліпы ставяць у эфір толькі тады, калі больш паказваць няма чаго. З другога боку, не варта забывацца на прэсінг уладаў у дачыненні да некаторых гуртоў. У выніку гэтага любая ініцыятыва тэлевізійшчыкаў будзе сканчацца там, дзе пачынаюцца забароны. Радыё Рацыя |
© 2005–2009 НРсМ. Рухавік, падтрымка: Slaver. Дызайн Rohač. |