Незалежны Рэспубліканскі Саюз Моладзі › Навіны › Крамбамбуля запрашае на "Рамантычны канцэрт" Крамбамбуля запрашае на "Рамантычны канцэрт"14 лютага, у сусветны Дзень усіх закаханых, гурт "Крамбамбуля" запрашае на "Рамантычны канцэрт", які адбудзецца ў мінскім West World Club. У праграме новыя песні і лепшыя хіты, а таксама галоўнае - прыемныя сюрпрызы і неабмежаваны святочны настрой! Плануецца, што з "Крамбамбулей" у гэты дзень заспяваюць прадстаўніцы розных мастацкіх і музычных плыняў: актрысы Святлана Зелянкоўская і Ганна Хітрык ("ДетиДетей"), рок-вакалісткі Руся (Indiga) і Вольга Самусiк ("Тарпач", Zygimont Vaza), фолк-спявачка Маша Яр (Yar). Таксама падчас гэтага канцэрту ўпершыню за 4 гады гурт выканае песню "Грапа, к’янці і марціні" разам з опернай спявачкай Нінай Цішко. "Гэта без перабольшванняў ужо легендарны дуэт. Трэба будзе яго неяк запісаць!" - лічыць Лявон Вольскі. Пачатак - 19.00. Квіткі: 25 тыс (танцпол), 50 тыс (столік). Замова: (029) 505 73 15, (017) 293 17 98. |
© 2005–2009 НРсМ. Рухавік, падтрымка: Slaver. Дызайн Rohač. |