Незалежны Рэспубліканскі Саюз Моладзі › Навіны › Восеньскія барды зьбіраюцца ў Лісінай нары Восеньскія барды зьбіраюцца ў Лісінай нарыАрганізатары фэстывалю беларускай аўтарскай песьні «Бардаўская восень» 27 верасьня ў менскай кавярні «Лісіная нара» ладзяць адборачны канцэрт для беларускіх канкурсантаў. Пераможцы гэтага адбору возьмуць удзел у конкурснай праграме «Бардаўскай восені — 2009» у Польшчы. Падтрымаць канкурсантаў сваім выступам абяцае спэцыяльна запрошаны госьць Лявон Вольскі. Нязьменным на працягу ўсіх 15 гадоў на «Бардаўскай восені» застаецца галоўнае — неверагодна ўтульная і цёплая атмасфэра ды шмат сапраўды прыгожай якаснай жывой беларускай музыкі. Штогод на фэстывальную сцэну акрамя сталых, знакамітых беларускіх музыкаў і калектываў, падымаюцца і маладыя выканаўцы, якія маюць магчымасьць прадэманстраваць сваю творчасьць у конкурснай праграме «Бардаўскай восені». Адбор на конкурсную праграму «Бардаўскай восені — 2009» пройдзе ў Менску 27-га верасьня (пачатак а 19-й гадзіне) у кавярні «Лісіная нара» (вул. Каліноўскага, 32). Уваход на канцэрт вольны. Дадатковую інфармацыю можна атрымаць па тэлефонах: (029) 111-32-32, (029) 508-04-83. |
© 2005–2009 НРсМ. Рухавік, падтрымка: Slaver. Дызайн Rohač. |