Змаганьне "Сьвятой Троіцы"

[Marnatrauny]

Калі чалавек кажа аб "вяршках" беларускае музыкі, ён звычайна згадвае "Сьвятую Троіцу" - N.R.M. , Крама, Neuro Dubel. Так павялося, і не паспрачаесься. Я б у гэты сьпіс дадаў бы й Уліс, і Новае Неба, але ж тыя вылятаюць з актыўнае барацьбы - даўно ад іх не чутно новага.
А вось ад вышэй згаданых трох у гэтым годзе мы пачулі новыя альбомы. Шмат спрэчак было, і шмат радасьці. І нават прэзэнтацыі былі, хаця з ND пазьдзекваліся. Але ж альбомы прыйшлі.

N.R.M. выдаў самы спрэчны свой альбом "Нуль Шэсьць". Камусьці ён падаўся шэдэўрам, камусьці, паводле апытаньня Тузіна Гітоў, "хрусьць!" (і папалам...). Я б абмежаваўся "далёка ня горшы" (а горшага альбому НРМ выдаць не пасьпелі яшчэ:)). У прынцыпе, з альбому зышлі гіты "Гадзючнік" і "Менск-Мінск". Ёсьць і "пэрспэктыўныя" песьні. Але, як кажуць альбанцы, "БОЯН" - гэта ўсё ад НРМ чулі й чакалі новага. Тым болей пасьля шэдэўральнага ДК

Крама. Якасьнейшы на маю думку альбом "Усё жыцьцё - дзіўны сон". Адзіная мая прэтэньзія да яго - МАЛА! 10 трэкаў ды адзін бонус праляцелі як за хвіліну. Беларускі блюз запальвае. Але ж альбом выклікаў слабаваты рэзананс - хіба з-за таго, што блюз - даволі вузкі жанр, а мэталюгі, рокеры й панкі да яго ставяцца звычайна роўна - ні за, ні супраць.

І зусім нядаўна ў продажы зьявіўся альбом Дзюбэлей "Штазі". Вось тут мала чаго можна покуль сказаць. Альбом выйшаў спрэчны: дзьвюмоўны, сур'ёзна-жартаўлівы, з зусім новым для Беларусі стылем, зьлізаным з Рамштайну. Хаця я не вялікі прыхільнік Дзюбэлей, альбом прызнаю за якасны. Спадабаўся. Але ж нейкі ён нявызначыны - няма агульнае ідэі, апасьля найсур'ёзьнейшае песьні на белмове можа трапіцца шчырая папса па-расейску. Гучаньне якаснае, але ж не Дзюбэлеўскае. Ну й гэтак далей - не хапае чагосьці для поўнага кайфу. Дарэчы, прыклад - даальбомная й альбомная вэрсіі песьні "Край". Амаль аднолькавыя, але ж другая здае першай па гучаньні.

А хто ж тут перамог? Хто ў гэтым годзе Кароль (ня ў сэньсе рок-кароны, а ў сэньсе якасьці альбому)? Прапаную выказаць свае думкі й уражаньні, а таксама прагаласаваць за адзін з альбомаў.

Паехалі!

[vital_lama]

Прагаласаваў за Нейра Дзюбель, бо:
- "06" чакаў вельмі доўга, бо песьні сарпаўды класныя, але чагосьці ўсё роўна не стае =( ;
- Крама як заўжды на высокім узроўні, але ў старых песьнях было больш драйву);
А вось "Штазі" здівілі адразу ж - раней мужыкі так не гралі, адчуваецца рост нейкі, ці што. "Край" спадабалася, пра дзедушку мароза, а сапраўдны хіт "Чорные глаза" адкрыўся для мяне нанава.

[Marnatrauny]

vital_lama, з аргумэнтамі згодны, хіба што не наконт Краю - у альбоме заглушаны вакал, задужа рыпіць гітара, рытм нейкі не такі... Карацей, пад даальбомнай вэрсіяй я меў на ўвазе гэта: http://music.fromby.net/mp3/neuro_dubel_kraj.mp3 . Мне падаецца лепей.
Ну а сам я галасаваў за Краму. Па такім прынцыпе, па якім я абіраў песьні ў плэер.
На плэеры 2Гб, месца трэба эканоміць. Таму ёсьць два аддзяленьні: тыя песьні, што стабільна на плэеры, й тыя, што там часова, пад пытаньнем. З новага альбому Крамы іх у першае катэгорыі апынулася болей... Хаця, як казаў пан Вольскі, "Гэта зусім не распуста, гэта розьніца ў густах"
Што дакладна, дык то, што НРМ пакуль адстае. Таму што народ хацеў выбуху, які б зацьміў ДК, а атрымаў звычайны якасны альбом.
З.Ы. vital_lama, клясная аватарка

[Zap]

Усё фігня)
Па вернасьці традыцыям пэўна лідэр Крама. А астатняе.. самадзейнасьць нейкая, хоць і прыкольная мейсцамі.
А увогуле ў кантэксьце накірунку форуму вынікі цікавыя)

[Alonka]

Таму што народ хацеў выбуху, які б зацьміў ДК, а атрымаў звычайны якасны альбом.

Выбухам былі "Тры чарапахі", пасьля якога выйшаў звычайны якасны альбом "ДК" . Тут не ў НРМ справа, а ў тым, як хто гурт успрымае. Карацей, па-першае, прагаласавала менавіта за іх, бо альбом Крамы ўвогуле ніякіх эмоцыяў ня выклікаў, а прыхільніцай творчасьці НД ніколі не была. Па-другое, пераношу тэму, бо гэты разьдзел форуму прысьвечаны выключна НРМ.

[Marnatrauny]

Хоць хтосьці заступіўся за НРМ і паставіў мяне (дакладней маю тэму) на месца, бо калі задумваў тэму, думаў пісаць пра НРМ на фоне НД і Крамы, а атрымалася раўнапраўе

А наконт таго, што выбухам былі "Чарапахі", згодны, але, на маю думку, ДК быў яшчэ болей якасны й усталяваў гэткі эталён. Ну й вядома, ад 5 год працы людзі чакалі чагосці яшчэ большага за той эталён, чарговага выбуху.

А вось тое, што Крама ня выклікала ніякіх эмоцыяў, то дзіўна. Хутчэй Алёнка проста раўнадушная да стылю Крамы наогул. Так?

(блін, калісь ледзь не пасварыўся са сваёй дзяўчынай з-за таго, што ёй Крама не падабалася, ну ды абыйшлося )

...Хаця можа альбом "Усё жыцьцё" й здае па эфекце thebest'у "Будзь разам з намі"...

[Alonka]

alex_aerson, я ў свой час прыйшла да НРМ як раз цераз творчасьцю Краму, таму пра нелюбоў да іх стылю казаць не выпадае. Але калі браць альбом НРМ пасьля пяцігадовага перапынку і альбом Крамы таксама празь пяць год - гэта непараўнальна! У НРМ палова песень гітовых, у Крамы акрамя "Арла" я нічога не запомніла.

[Zap]

Хыхы, пачытайце статыстыку Тузіну за лістапад: НД наперадзе краіны ўсёй)
Так, альбом канешне файны, і я прагаласаваў тут за яго, але без паловы трэкаў ён бы быў куды лепш)

[krapachino]

Я за Нейра Дзюбель.
НРМ я паслухаў мо першыя тры тыдні і больш не хочацца. Песьню "свабоды глыток" больш за 2 разы паслухаць неасіліў і назаўжды выкінуў яе з плэйліста. Зараз яшчэ калі-некалі ўрубаю "Мама,тата..." і "Сталінград".
КРАМА асабліва нічым не ўразіла, ранейшыя альбомы сапраўды былі больш драйвовымі, але дзякуй і за гэта.
НЕЙРА ДЗЮБЕЛЬ - лепшы рок-гурт Беларусі У альбоме спадабалася ўсё, нават тое што 2х-моўны, і песні па стылістыцы не спалучаюцца адна з адной, усё роўна кожная з іх вартая быць на дыску. Асабліва ўразілі "Трываю","Край","Пить","Можно жить"

[Андрэй]

НЕЙРА ДЗЮБЕЛЬ - лепшы рок-гурт Беларусі

Калі не ўлічваць, што Кулінковіч элементарна ня ўмее сьпяваць...

PS: у апошніх ягоных песьнях (і, асабліва, на апошніх канцэртах) у яго зашмат мата. Канешне, такі вобраз... Але, пэўную плянку прыстойнасьці трэба трымаць.

[Iкс]

Я доўга выбіраў паміж НД і НРМ... Усё ж такі НД. Хаця
(далей капірую з свайго ЖЖ, бо ўпадлу паўтараць) :
"Расейскамоўныя песьні атрымаліся крыху не ў тэму (справа не ў мове, вершыкі таксама па-расейску, але заслугоўваюць найлепшай адзнакі!), ня ведаю, можа трэба было асобным сынглам іх выдаваць ці бонус-трэкамі ў канцы альбому. Напрыклад сумесь з Лучшая Девушка, Свабода, Можно жить гучыць неяк не натуральна. Асабіста я расейскамоўныя трэкі (паўтараю: справа не ў мове) паставіў у плэйлісце пасьля усіх.
Аб кліпе на Край не магу нічога дрэннага сказаць, хоць ён і не ў Дзюбелеўскім стыле. Гузік мне больш па душы

Па НРМ амаль згодны з krapachino. Тыя ж Свабоды глыток, бчб лодка паслухаў пару разоў і усё. А астатняе вельмі нават каціць
Мама, тата... Мінск-Менск, Не пытай, Сталінград - хіты, што тут сказаць.

Крамаўскі альбом дрэнным не назавеш, але крыху на сон цягне. Нічога ад крамы 90-х не засталося, на вялікі жаль

[Ganna]

NRM i kropka.Uvogule n'e l'ubl'u N.D. za takuju kol'kas't' bridkih slovau.Pa-durnomu guchal'i ruskamounija p'es'n'i,prabachze,bol'sh dakladnaha slova ne znajsti

[Alonka]

Па НРМ амаль згодны з krapachino. Тыя ж Свабоды глыток, бчб лодка паслухаў пару разоў і усё. А астатняе вельмі нават каціць
Мама, тата... Мінск-Менск, Не пытай, Сталінград - хіты, што тут сказаць.

Бачыце, як па-рознаму ўспрымаецца альбом? Мне як раз больш падабаецца "Тое, што ёсьць паміж намі" ці тая ж "Лодка". Менавіта іх я бы залічыла ў хіты.

Дарэчы, падумалася мне тут: а дзе альбом Крамбамбулі?!

[Zap]

Што наконт Крамбамбулі, скажу сваё імха: альбом шэры й нецікавы) Адзін "Край гарачых добрых сонцаў" варты ўсяго гэтага альбому. Ну, мо "Безь цябе" шчэ можна паслухацб, а так - не аб чым. Ну, яго пэўна й пісалі менавіта пад сьвяты, бязь сьвятаў ён вартасьці ня мае)

[Marnatrauny]

Alonka, я пісаў тэму пра "Сьвятую Троіцу", якая мае найбольш ярых прыхільнікаў. Крамбамбуля - асаблівы праэкт, супольны і [эх, абмацюгаюць мяне Касьцюшка з Запам] амаль усенародны. Дарэчы, учора зьявілася якраз думка сказаць, што "фсех парвала Крамбамбуля"

[Iкс]

Alonka, а мне ўвогуле Крамба не каціць апошнім часам. Перыядычна слухаю толькі "Тав Маўзер" і "Каляды", астатняе абрыдла вельмі хутка. Слухаць новы альбом ні разу не цягне

[Alonka]

alex_aerson, я ня мела на ўвазе, што Крамбамбуля ўсіх парвала, проста ты напісаў, што размова ідзе пра альбомы, выдадзеныя ў гэтым годзе. Я бы ўсё роўна за НРМ галасавала .

[Marnatrauny]

Крамбамбуля выдала напраўду нядрэнны альбом. З гэтым цяжка спрачацца. Адна-дзьве песьні мелі спадабацца кожнаму, а ў гэтым і ёсьць, на маю думку, мэта праэкту - прапаганда гэтых песень, іх "запамінаньне"; бо Крамбамбуля - поп-праэкт. Толькі не зусім звычайны - некамэрцыйны. Ён мае папулярызаваць беларускую мову праз поп-музыку, і гэта атрымліваецца!

Ну, гэта офтоп. Проста напраўду мне прыйшла зранку думка напісаць, што самы бясспрэчна якасны альбом быў менавіта ў Крамбамбулі, бо да астатніх ёсьць прэтэньзіі, а тутака якраз Алёнка аб іх узгадала.

[Kascjuszka]

А я для сябе нядаўна адкрыў L.A. Guns ды Little Angels. Думаў, што ўжо усё класную музыку пераслухаў, але ж не..
А хто з клюба зьбіраецца на фольк-фэст?

[Alonka]

Крамбамбуля - поп-праэкт. Толькі не зусім звычайны - некамэрцыйны.

Што ў такім выпадку называецца камэрцыйным праектам?!

Самы бясспрэчна якасны альбом быў менавіта ў Крамбамбулі.

Па запісу - так, па зьместу - далёка не.