Незалежны Рэспубліканскі Саюз Моладзі › Навіны › Казкі Вольскага на CD Начная чытанка Казкі Вольскага на CD Начная чытанкаУчора ў фальварку "Добрыя мысьлі" прайшла першая з трох заплянаваных прэзэнтацый дыску «Начная чытанка», выдадзенага радыё «Свабода». У самым пачатку імпрэзы вядучы Аляксей Знаткевіч абвесьціў конкурс, паводле якога жадаючыя маглі напісаць свой сьпіс аўтараў, якія павінны трапіць у наступную «Начную чытанку». Бясспрэчным пераможцам стаў Адам Глёбус, яго сьпіс налічваў каля 50 чалавек. У падарунак пісьменьнік атрымаў радыёпрымач. Свае вершы чыталі Анатоль Івашчанка, Наста Кудасава, Леанід Дранько-Майсюк, Аксана Данільчык. Гомельскі пісьменьнік Сяргей Балахонаў прачытаў урывак зь яшчэ няскончанага раману пра школьнае жыцьцё. Лявон Вольскі зачытаў дзьве казачкі, а таксама сыграў дзьве песьні «Менск – Мінск» і «Простыя словы». Кожны жадаючы атрымаў па дыску. Прэзэнтацыі ў «Добрых мысьлях» працягнуцца яшчэ сёньня і заўтра. |
© 2005–2009 НРсМ. Рухавік, падтрымка: Slaver. Дызайн Rohač. |