08.10.2006 :: Сустрэча НРсМ з журналістамі CDMAG

Сёньня прайшло чарговае паседжаньне фан-клюбу. Але ня простае — на яго завіталі журналісты электроннага часопісу CDMAG (былая «папяровая» «Студэнцкая думка»). Мы, як заўсёды, жартавалі, размаўлялі, але яшчэ і адказвалі на пытаньні журналістаў. У хуткім часе ўсё гэта можна будзе пабачыць у новым нумары CDMAG…

22.11.2005 :: СС НРСМ!

«Тузін Гітоў» наведаўся на першую сустрэчу N.R.M. са сваім фэн-клюбам. Міністры азнаёміліся са Статутам СС НРСМ і падпісалі адпаведную дакумэнтацыю. Міністар працы і абароны Лявон Вольскі: «Мы былі вельмі ўзрушаныя падрыхтоўкай НРСМ! Пасьля такога нам проста сорамна ня скласьці Канстытуцыю».

Чытаць далей ›››

22.11.2005 :: Фан-клюб online на IRC.BY

IRC (Internet Relay Chat) - спэцыяльны інтэрнэт-сэрвіс, з дапамогай якога можна гутарыць зь дзясяткамі і сотнымі людзей у рэжыме online. Зь некаторага часу на беларускім IRC-сэрвары з'явіўся канал для гутарак паміж фанатамі гурту N.R.M.. Заходзьце на #nrm!

Чытаць далей ›››

20.11.2005 :: СС «НРсМ» атрымаў афіцыйны статус

Сёньня НРсМ нарэшце атрымаў афіцыйны статус! На сустрэчу з фан-клюбам і падпісаньне ўсіх дэкрэтаў прыехалі міністры Незалежнай Рэспублікі Мроя. Гэтай падзеі мы чакалі амаль 5 месяцаў! Атрымалася ўсё проста выдатна!

Спачатку НРсМ віншаваў Піта з Днём нараджэньня. Трошачкі позна, але лепей, чым ніколі :) Потым была бюракратычная частка, мэтай якой было падпісаньне дэкрэтаў аб стварэньні НРсМ, аб яго сымболікі і аб Прэзыдыюме НРсМ. Ну, а пасьля, пачалася самая чаканая частка мерапрыемства — акустычны канцэрт. Паміж песьнямі йшла вельмі прыемная і цікавая размова гурту з яго прыхільнікамі. Ўсё было проста цудоўна й музыкі паабяцалі прыйсьці да нас яшчэ :)

Ну, а пасьля канцэрту, большая частка НРсМ засталася… сьвяткаваць сёньняшняю падзею :) Як кажа Лявон Вольскі, «карацей, напіліся ўсе страшна»… Да наступнай сустрэчы!

Фоткі пакуль можна паглядзець у фотагалерэі. На жаль, на дадзены момант няма сілаў, каб неяк адстартаваць малюнкі і дадаць камэнтары. Таму проста глядзіце :)))

Абмяркаваць на форуме

08.11.2005 :: Пэрформанс у падтрымку забароненых беларускіх музычных гуртоў

7 лістапада а 13 гадзіне ў Менскім парку ў раёне Курасоўшчына грамадзянская ініцыятыва "ЧАС!" разам з маладзёвым праектам "Вока" і фэн-клубам N.R.M. NRsM праводзілі перформанс у падтрымку забароненых беларускіх рок-гуртоў.

Выглядала ўсё гэта наступным чынам:

Чытаць далей ›››

23.09.2005 :: Цішоткі НРсМ

Паважаныя фанаты! Да канцэрту N.R.M. у "Союз OnLine" застаецца зусім няшмат часу (28.09-29.09). Таму трэба хутка рабіць цішоткі фан-клюбу. Усе тыя, хто жадае набыць сабе цішотку аднаго з дзьвух варыянтаў (чорная зь белым надпісам альбом белая з чырвоным надпісам), прыходзьце заўтра да ратушы а 18:00 з грашыма:
- калі Вы жадаеце нанесьці малюнак на сваю майку - з Вас 7 тысячаў (толькі майка павінна быць пажадана з бавоўны і ў добрым стане, бо не на кожную можна нанесьці малюнак);
- калі Вы жадаеце набыць гатовую майку з малюнкам - з Вас 15 тысячаў.

Таксама не забудзьцеся сказаць, які памер вам патрэбны.

Калі ў Вас не атрымоўваецца прыйсьці заўтра - тэлефануйце мне на мабільны 340-46-33. Апошні тэрмін - раніца панядзелка!

Update: На дадзены момант цішотак няма. Наступная партыя - пасьля 15 кастрычніка!

Абмяркаваць на форуме

16.09.2005 :: Віншаваньне Лявона Вольскага з Днём нараджэньня

14 верасьня ўвечары НРсМ віншаваў Лявона Вольскага з днём нараджэньня. Атрымалася ўсё добра, толькі, на жаль, у такі позьні час прыйшло няшмат людзей, але ўсе засталіся задаволеныя :)

Абмяркаваць на форуме