Незалежны Рэспубліканскі Саюз Моладзі › Навіны › NRM будзе на Be2gether 2008 NRM будзе на Be2gether 2008Арганізатары буйнейшага балтыйскага фэстывалю Be2gether 2008 працягваюць фармаваць праграму фэсту. Прэс-каардынатарка Be2gether Эгле Рэмэйкайтэ паведаміла сёньня Generation.bY, што дасягнутатая дамова на ўдзел у фэсьце легендарнага беларускага гурта N.R.M. Таксама працягваюцца перамовы з сусьветнымі зоркамі. Яшчэ адну зь іх арганізатары назвалі сёньня. На фэсьце выступіць Tricky — адзін з заснавальнікаў музычнага стылю trip-hop. Лідэр гурта Лявон Вольскі ў сваім блогу адгукнуўся на рэзананс і патлумачыў, чаму не адбылася дамоўленасьць, а пазьней на адзін з камэнтароў адказаў «сытуацыя яшчэ можа зьмяніцца». З чаго можна было зрабіць выснову, што перамовы паміж арганізатарамі Be2gether і N.R.M. працягваюцца. Тым ня менш, навіна пра ўдзел гурта ў фэсьце стала прыемнаю нечаканкаю. Сёньня прэс-каардынатарка Be2gether 2008 Эгле Рэмэйкайтэ паведаміла Generation.bY, што «перамовы скончыліся пасьпяхова» і арганізатары ўсьцешаныя пабачыць на фэсьце N.R.M. Піт Паўлаў пацьвердзіў, што гурт дакладна прыме ўдзел і распавёў, што «зараз узгадняюцца толькі тэхнічныя моманты». Такім чынам, Беларусь на буйнейшым балтыйскім фэстывалі Be2gether 2008 прадставяць гурты N.R.M., Mauzer і Osimira. Агулам сёлета на Be2gether выступіць болей 70 гуртоў з усяго сьвету. Яшчэ ў канцы траўня арганізатары фэсту агучвалі 15 выступоўцаў, якія ўжо пацьвердзілі ўдзел у фэсьце: * Groove Armada (Вялікабрытанія), Фэстываль Be2gether проходзіць у 50 мэтрах ад беларускай мяжы на тэрыторыі Літвы, сёлета ён адбудзецца 14-17 жніўня. Арганізатары плянуюць прадаставіць беларусам, якія зьбіраюцца на фэст, бясплатныя візы. Але на сёньня перамовы наконт механізму продажу квіткоў на фэст у Беларусі і выдачы пазачарговых візаў працягваюцца. Воля Кузьміч |
© 2005–2009 НРсМ. Рухавік, падтрымка: Slaver. Дызайн Rohač. |