Незалежны Рэспубліканскі Саюз Моладзі › Навіны › 28-29 чэрвеня – прэзэнтацыя дыску "Начная чытанка" 28-29 чэрвеня – прэзэнтацыя дыску "Начная чытанка"Радыё Свабода выдала мультымэдыйны дыск «Начная чытанка». На ім — запісаныя ў рамках праграмы «Начная Свабода» творы паўсотні аўтараў разам зь іх біяграфіямі і фатаздымкамі. У зборніку — рэчы на любы густ і розных жанраў. Да прыкладу, Лявон Вольскі і Адам Глобус чыталі свае казкі, Віктар Шалкевіч — мініп’есы, Альгерд Бахарэвіч, Ева Вежнавец і Югася Каляда — апавяданьні. Ёсьць таксама і пераклады — Сяржук Мядзьведзеў чытаў урыўкі з пакуль не надрукаванай па-беларуску кнігі амэрыканца Чака Паланюка «Байцоўскі клюб», Вэраніка Бяльковіч — зь першай кнігі сэрыі сучаснай чэскай літаратуры, раману Ганы Андранікавай «Гук сонечнага гадзіньніка». Плянуюцца тры прэзэнтацыі дыску — 27, 28 і 29 чэрвеня ў фальварку «Добрыя мысьлі» (вул. Магілёўская, 12). Пачатак а 19 й. Колькасьць месцаў абмежаваная, таму на прэзэнтацыю патрапяць тыя, хто прыйдзе першы. Дыск змогуць атрымаць таксама і тыя, каму месца ня хопіць. Пазьней яго можна будзе замовіць праз электронны адрас [email protected]. |
© 2005–2009 НРсМ. Рухавік, падтрымка: Slaver. Дызайн Rohač. |