Незалежны Рэспубліканскі Саюз Моладзі › Навіны › Рок-Каранацыя пераязджае ў Маладзечна Рок-Каранацыя пераязджае ў МаладзечнаЦырымонія ўзнагароджаньня лепшых музыкаў краіны "Рок-Каранацыя" адбудзецца 14 сакавіка. Арганізатары вырашылі перанесьці месца дзеі з сталіцы ў …Маладэчна. Упершыню за 14-гадовую гісторыю цырымоніі рок-музыкі выступяць у суправаджэньні сымфанічнага аркестру. Згоду на выступ ужо далі ўладальнікі галоўнай Рок-Кароны-2007 Neuro Dubel, а таксама героі мінулага году — "Ляпіс Трубяцкой", этна-трыё "Троіца", IQ48, "Детидетей" ды іншыя. Падрабязнасьці пра цырымонію на ТГ. Усяго ў "Рок-Каранацыі" возьме ўдзел з тузін камандаў. Ужо далі папярэднюю згоду гурты "Ляпіс Трубяцкой", этна-трыё "Троіца", IQ48, "Детидетей", "Стокс", а таксама гурты з рэгіёнаў — "Авангардшкола" (Магілёў), "Садъ" (Берасьце), "Князь Вітаўт" (Полацак). Мяркуецца, што выступіць і Лявон Вольскі. Адкрые цырымонію выступ уладальнікаў галоўнай Рок-Кароны-2007 Neuro Dubel. Выступоўцы сыграюць па дзьве песьні — адну зь іх з аркестрам. Сёлета "Рок-Каранацыя" апошні раз пройдзе пад гэтай назвай. Налета ад слова "рок" у назьве вырашана адмовіцца. |
© 2005–2009 НРсМ. Рухавік, падтрымка: Slaver. Дызайн Rohač. |