Незалежны Рэспубліканскі Саюз Моладзі › Навіны › Pete-Paff аднаўляе дзейнасьць, каб прэзэнтаваць музычную энцыкляпэдыю для дзетак Pete-Paff аднаўляе дзейнасьць, каб прэзэнтаваць музычную энцыкляпэдыю для дзетакГурт Pete-Paff абвесьціў пра аднаўленьне сваёй дзейнасьці. Апошні раз музыкі зьбіраліся пры канцы 2010 году. Нагода для бліжэйшых канцэртаў — прэзэнтацыя «Незвычайнай энцыкляпэдыі народных інструмэнтаў», якую ўдзельнік капэлы Яраш Малішэўскі напісаў разам зь вядомай пісьменьніцай Аксанай Спрынчан. Шмат якія інструмэнты з энцыкляпэдыі ажывуць і загучаць у час прэзэнтацыі выданьня, якое пройдзе пры ўдзеле гурта Pete-Paff. Адмыслова дзеля гэтага каманда аднавіла дзейнасьць. Апошні выступ яны далі ў сьнежні 2010 году ў Польшчы. «Мы палічылі прэзэнтацыю кнігі добрай нагодай дзеля таго, каб ізноў сабрацца разам», — кажа лідэр праекту Піт Паўлаў. Акрамя яго і Яраша ў склад гурта ўваходзіць бубнач N.R.M. Алезіс Дземідовіч, цымбалістка Алеся Шагун, тубіст зь «Серебряной свадьбы» Сяргей Шэпелеў. Музыкі сьцьвярджаюць, што прынцыповае адрозьненьне іх гурту ад іншых беларускіх фольк-калектываў у падыходзе да аранжаваньняў і тэкстаў. Pete-Paff імкнецца наблізіць гучаньне да сучасных узораў сусьветнай папулярнай музыкі і значна пашырыць кола слухачоў. Адзін з прыкладаў іх творчасьці — песьню «Cok-cok-cok» можна пачуць на «Тузіне Гітоў». Канцэрты Pete-Paff і прэзэнтацыя «Незвычайнай энцыкляпэдыі народных інструмэнтаў» пройдуць у Крупках (10 верасьня), Наваградку, Іўі (27 жніўня), а скончыцца тур канцэртам у Менску 24 верасьня, на сцэне беларускага тэатру драматургіі. Сачыце за афішай на ТГ. |
© 2005–2009 НРсМ. Рухавік, падтрымка: Slaver. Дызайн Rohač. |